Super Computer of India: हवामान विभागाची माहिती देण्याची क्षमता वाढवण्यासाठी दोन सुपर कंप्यूटरची मागणी करण्यात आली होती. मात्र, याच्या वितरणात विलंब झाल्याने पृथ्वी विज्ञान मंत्री किरेन रिजीजू नाराज असल्याचे वृत्त आहे.
भारतीय हवामान अंदाज यंत्रणांसाठी सुपर कंप्यूटरची आवश्यकता
हवामान खात्याची अचूक अंदाज वर्तवण्याची क्षमता वाढवण्यासाठी आधुनिक सुपर कंप्यूटरची (Super Computer of India) आवश्यकता असते. याच्या मदतीने मोठ्या प्रमाणात डाटा विश्लेषण करुन हवामानाचे अंदाज अधिक अचूकपणे करता येतात. तसेच, हवामान बदलांचा अभ्यास करण्यासाठी हे खूप उपयुक्त ठरतात.
भारताच्या राष्ट्रीय हवामान अंदाज केंद्र (NCMRWF) आणि भारतीय उष्णकटिबंधीय हवामान संस्था (IITM) यांना याची गरज आहे. त्यामुळे पृथ्वी विज्ञान मंत्रालयाने गेल्या वर्षी फ्रेंच कंपनी Eviden (Atos Group ची उपकंपनी) कडून 100 दशलक्ष अमेरिकन डॉलर (₹760 कोटी) इतक्या रकमेचे दोन डिव्हाइस मागवले होते.
विलंबाचे कारण आणि चिंता
निर्धारित वेळेत हे न मिळाल्यामुळे पृथ्वी विज्ञान मंत्री किरेन रिजीजू चिंता व्यक्त करीत आहेत. मूळ कंपनी Eviden आर्थिक अडचणीत सापडल्यामुळे त्यांची उपकंपनीला पेमेंट करावी अशी मागणी करत असल्याचे त्यांनी सांगितले. निर्धारित वेळेपेक्षा विलंब झाल्याने आम्हाला चिंता आहे, असेही ते म्हणाले.
सरकारला हे दोन्ही डिव्हाइस लगेच हवे असल्याने पेमेंट करण्यास तयार आहे. परंतु कंपनी दिवाळखोर झाल्यास अडचण निर्माण होऊ शकते, अशी भीती मंत्री रिजीजू यांनी व्यक्त केली.
फ्रेंच सरकारच्या सहकार्याची अपेक्षा
भारत सरकार दिलेली ऑर्डर जलद मिळवण्यासाठी प्रयत्नशील असून फ्रेंच सरकारच्या सहकार्याची अपेक्षा आहे. भारताचे फ्रेंच सरकारशी चांगले संबंध असल्याचे सांगत, ही ऑर्डर वेळेत मिळवण्यासाठी फ्रेंच सरकार हस्तक्षेप करेल अशी आशा रिजीजू यांनी व्यक्त केली.
Super Computer of India ची ताकद
Eviden ची BullSequana XH2000 यावर आधारित असलेल्या या डिव्हाइसची एकत्रित क्षमता 21.3 petaflops इतकी असेल. यामुळे हवामान आणि हवामान बदलांचा अभ्यास करण्यासाठी संस्थानांना मोठी मदत होणार आहे.
टाटा मोटर्सची मोठी घोषणा! 15 महिन्यांत कंपनी दोन स्वतंत्र कंपन्यांमध्ये विभाजित होणार